一个广州仔的自白:我爱粤语,但我可以做什么?

听见夜的声音 2019-06-08 19:31:38

 HI

叽叽喳喳学粤语,最好玩的粤语公众号,点击上方蓝字即可关注。


我系一个广州仔,自细系西关长大



学讲嘢嘅时候,阿妈已经用一口西关腔的粤语讲我唱“落雨大,水浸街”



懂事之后,我记得我好中意睇TVB嘅叮当,林保全嘅经典粤语配音,既生动,又亲切


读书嘅时候,老师话,用粤语朗读唐诗宋词最押韵铿锵,因为粤语最接近中华古音



阿爷曾经同我讲,长大之后无论去到天涯海角,只要你识得讲粤语,人哋就会知道你系广府人



长大之后,我无去到天涯海角,最多,我净系每日搭地铁从西关搭去天河



返工同客户开会嘅时候,大家宁愿讲英文都唔讲粤语



街食碗面,系士多买罐汽水,同人讲粤语,人哋分分钟耍手兼拧头



连读紧幼稚园的侄仔,放学返到屋企,已经唔识得讲粤语



曾经有个外省朋友问我,如果广州人唔讲广州话,甘广州系咪仲继续叫广州?



作为一个广州人,究竟可以为粤语做D咩?



好似东山少爷甘,用粤语唱好广州



好似陈SIR甘样用粤语针砭时弊?



定系应该好似用黄子华甘去讲栋笃笑



呢个问题,我同朋友讨论左好耐好耐。


粤语!应该系我哋每个广府人嘅日常生活中经常使用,先至有活力。


粤语!应该透过互联网传播成为后生仔嘅流行文化。


粤语!应该成为一种文化烙印,领广府人愿意代代相传。


最终,我哋揾到咗心目中嘅答案讲粤语


叽叽喳喳学粤语:jjzzxyy


长按二维码识别关注

友情链接